Mohammad Al-Hadrusi

كافي قعدته كثير حلوه جاي على الشارع مباشرة و فيو قعدة برا و عندو اصناف من الحلويات الطيبة بالاضافة للايسكريم .

واحد من اجمل المتاحف الموجوده في فيننا و خصوصا اذا كنت مهتم بلوحات بيكاسو و كلود مونيه و فن الانطباعية و التجريد كنت محظوظ ان زرت هل مكان الرائع القصر نفسه بجنن و فيه اقسام كثير للفنون و رسومات على الجدران و تماثيل جدا رائعه طبعا على الاقل بدك من 2 الى 3 ساعات داخل المتحف جد بنصح الجميع بزيارته.

من اجمل القصور الي زرتها بحياني الهوفبورغ مكان رائع مليان بالمتاحف وتاريخ النمسا وثقافتها الغنية و طريقة المعمار مع التماثيل الي بتزين القصر. مش لازم تطلع من فيننا اذا ما زرته المكان كثير منظم و المتاحف الي فيه بتجنن و فيها خيارات كثير و جوا كل متحف ممكن تستمع لجهاز بيعطوك ياه ممكن تختار العربية راح تنبسط من كمية المعلومات المهمة. من وجهة نظري، من المستحيل انك تخلصها بيوم كامل عشان هيك جهز حالك لمدة أسبوع على الأقل على شان تشوف كل الاماكن الي جواته.
و نصيحة حاول تحجز التذاكر اونلاين.

نافورة ريتشارد شتراوس الي انولد في 1864 في ميونيخ هو ابن فرانز شتراوس الي كان عازف البوق الرئيسي في أوركسترا كورت ميونيخ .
و هاي النافورة وحدة من اجمل الناوافير الي موجودة مباشرة قدام مبنى أوبرا فيينا كورت، و هي جزءً من مجموعة معمارية واحدة بتكمل بشكل متناغم البيئة المكانية.وهي واحدة من الأماكن المفضلة لاخذ الصور و اذا شفتها اعرف انك وصلت اول وسط المدينة.

واحدة من أرقى المتاحف لتاج الامبراطورية النمساوي في اوروبا مش طبيعي قديش هل متحف غني بالمعلومات التاريخية و تشكيلة الالبسة و المجوهرات و الاواني حتى في شغلات و هدايا اسلامية و احسن اشي بهل متحف في دليل صوتي بتقدر تطلبو بس تدخل فيه اللغة العربية كثير نبسطت بهذه الخطوة صراح حتى اول ما دخلت حكت معي عربي الي بتقطع التذاكر.
بدك اكثر من 3 ساعات لتخلصو و لا تنسى التاج الإمبراطوري.