LocalGuideWorld | بهترین جاهای دیدنی، رستوران‌ها و هتل‌های جهان

آخرین نظرات

The Optimist
2024 Feb 23
👀將I人變E人超誇張慶生西班牙餐廳|星期三仲有生蠔放題90分鐘🦪

📍The optimist
次次慶生都食扒,今次幫朋友慶生就簡左間零負評嘅西班牙餐廳。見到生蠔放題又有西班牙龍蝦燴飯,即訂留枱😋

🦌🐿️
由於太多食物簡又大部分菜名都係西班牙文,所以簡左Cp值極高嘅Chef Feed me set。人均580就可以享用3款前菜、2款小食、人氣龍蝦燴飯、同埋甜品。當中除左燴飯外,所有菜式都可以自由選擇。另外逢星期三都可以體驗90分鐘生蠔自由‼️

🦌🐿️
前菜(Menu上選五款)
࿂吞拿魚他他࿂
牛油果打成醬,一咬落去就好似爆醬咁,口感超級豐富😋
࿂炸黑松露薯࿂
皮衣好薄,內餡全部都係黑松露蓉,一咬落去啲黑松露味即刻係口到炸開🤤
࿂ 蕃茄麵包࿂
蕃茄酸酸甜甜,十分開胃。就算係麵包,都絕對唔馬虎。十分脆口。

小食
࿂西班牙蒜油大蝦࿂
大蝦選用澳洲皇帝蝦,肉質較爽口彈牙。所有蝦都已剝殼,方便懶鬼食🍴而醬汁就爆香左蝦頭、橄欖油同大蒜而成,唔洗驚見到咁多油咁驚!因為係靚油黎嫁!

࿂西班牙傳統碎蛋薯片࿂
面頭灑上微鹹嘅風乾火腿,加上兩隻大碎蛋。蛋黃加埋微鹹同索味嘅薯片食一流🥰另外仲有配黑松露薯蓉,比較偏鹹。

主菜(五選一)
黎到見個個都食西班牙龍蝦燴飯,單叫已貴過set價錢,就梗係簡佢🤣唔好以為跟餐份量會變細,份量都係一樣‼️兩大飯龍蝦一左一右,點分都岩岩好。燴飯係傳統意大利做法,飯芯會較硬但外層飽滿。飯汁烹調得十分好,先食到蕃落酸甜味再有龍蝦味出黎。龍蝦隻隻都好多肉,已預先肉殼分離👍🏻
如果唔鐘意食龍蝦,都可以簡其他主菜,好似肉眼扒、羊架等

甜品(三選一)
因為慶生,所以就簡左芝士蛋糕。雖然唔係西班牙傳統菜式,但係芝士味夠濃而且十分綿滑,仲配埋紅莓汁解膩。慶生嘅話記得同店員講想係碟上寫祝賀說話❤️‍🔥

🦌🐿️
整體而言,鋪頭服務同氣氛都好好。店員嘅熱情同氣氛成功令在場所有人一聽到生日歌都自動拍手唱歌😂而且食物質素都好好,多款簡又好味。CP值一百分,必定會回訪