مبارک جدید

ഇന്നുച്ചയ്ക്ക് ഒരുഗ്രൻ ഊണ് കഴിച്ചു; സ്റ്റാച്യുവിൽ ഉള്ള ന്യു മുബാരക്കിൽ നിന്നും. വർഷങ്ങളായിട്ടുള്ള കട തിരക്കുണ്ടെലും ഒരു സീറ്റ് കിട്ടി. വാഴയിലയിൽ ചോറും കൂട്ടുകറികളും നിരന്നു. പല സൈസ് മീൻ വിഭവങ്ങൾ അവിടെ കണ്ടെങ്കിലും നുമ്മക്ക് ആദ്യ ഓപ്‌ഷൻ ഒന്നേയുള്ളൂ.. ചെമ്മീൻ പൊരിച്ചത്.!! സൂപ്പർ ടേസ്റ്റ്.. അതിനപ്പുറം സന്തോഷം തോന്നിയത് അതിന്റെ അളവ് കണ്ടപ്പോഴാണ്. ഒരു പത്തു പന്ത്രണ്ടെണ്ണം എങ്കിലും കാണും. അതും നല്ല സൈസിൽ. ആനന്ദ ലബ്ധിക്കിനിയെന്ത് വേണ്ടൂ. :) എന്റെ ഇഷ്ടപ്പെട്ട പരിപ്പും പപ്പടവും ഇല്ലാ എന്നുള്ള വിഷമം മാത്രം. ആഹ്‌.. ഒരു കാര്യം പറയാൻ മറന്നു.. കൂട്ട് കറിയായി ഒരു കിടിലം മീൻ അച്ചാർ ഉണ്ടായിരുന്നു. നല്ല സ്വാദുള്ള ഈ ഐറ്റം എല്ലാ ദിവസവും ഉണ്ടാകുമോ എന്നറിയില്ല. കപ്പയും മീൻ ചാറും ഒക്കെ കൂടെയുള്ള ഊണിന് 70 രൂപയും ചെമ്മീൻ പൊരിച്ചതിന് 140/- രൂപയും എന്നുള്ളത് വളരെ എക്കണോമിക്കൽ ആയിട്ടാണ് എനിക്ക് തോന്നിയത്.